Кашни çул ака уйăхĕнче  республикăри шкулсенче И.Я. Яковлев аслă вĕрентекенĕмĕре сума суса тата Чăваш чĕлхи кунне халалласа вунă кунлăх иртет. Пирĕн  шкулта та илемлĕ те çепĕç чăваш чĕлхине ачасене юратма та хисеплеме, хаклама вĕрентес, ăна аталантарас, упрас тĕллевпе тĕрлĕрен мероприятисем тухăçлă иртнине палăртмалла..

Чăваш енре кăçалхи çул - Ĕç çынни çулталăкĕ тесе палăртнă. Вĕрентекенсем меропрятисене çак темăна  тĕпе хурса йĕркелеççĕ.  Кĕçĕн класра вĕренекенсем  «Пирĕн атте-аннесен профессийĕ» ÿкерчĕксен выставкине, 7 классем «Чăваш халăхĕн пултаруллă ывăл-хĕрĕ» презентацисен конкурсне ирттерме палăртнă. Фойере ачасем кăларнă стена хаçачĕсем куçа илĕртеççĕ. Çавăн пекех классем хушшинче сăвă вулакансен, юрă юрлакансен   конкурсĕсем, КВН, тĕрлĕ темăпа викторина  иртет.

Кашни вĕрентекен хăйĕн ĕçне тĕплĕ хатĕрлесе тата ачасене интереслĕ пултăр тесе ирттерме тăрăшать.