Пирĕн шкулта чăвашлăха аталантарассишĕн тĕпе хурса ĕçлеççĕ. Кунта вĕрентекенсемпе пĕрлех шкул администрацийĕн тÿпи те пысăк. Кашни кабинета  компьютерпа, проекторпа тивĕçтернĕ, кирлĕ вăхăтра интернетпа усă курма пулать. 

Ака уйăхĕнче хулари шкулсенчи чăваш чĕлхи кабинечĕсен конкурсĕ иртрĕ.  Кăçалхи çул çак конкурса Николаева Галина Леонидовна, 210 кабинет  ертÿçи хутшăнма кăмăл турĕ. Сумлă жюри унăн ĕçне тивĕçлипе хакласа  кабинета  «Хулари чи лайăх чăваш чĕлхи кабинечĕ» тесе палăртрĕ. 210 кабинет Республика шайĕнче иртекен конкурса хутшăнма тивĕçлине кăтартса пачĕ.