Чăваш чĕлхине халалланă вунă кунлăх малалла пырать. Вĕрентекенсем кашни ачана илемлĕ те çепĕç чăваш чĕлхине юратма, хисеплеме вĕрентес тĕллевпе тĕрлĕ конкурссемпе викторинăсем ирттереççĕ. Иртен пуçласа каçченех ку е вăл кабинетра чăваш чĕлхи уççăн та хăюллăн янăрать.

7А класра вĕренекенсем хăйсен пултарулăхне «Илемлĕ эс, тăван тавралăх…» сăвă вулакансен конкурсне ирттерсе тĕрĕслерĕç. Конкурсра А.Воробьев, Ю.Семендер, В.Давыдов-Анатри, Ухсай Яккăвĕ çырнă сăвăсем янăрарĕç. Ачасем сăвăсене чун витĕр кăларса, илемлĕ вуларĕç. Пуринчен те маттуртараххи Алесандров Саша пулчĕ. Андачкова Сашăпа Михайлов Илья та призерсен шутĕнче. Конкурс пурне те килĕшрĕ.